InicioCulturaOs restos de Uxío Novoneyra marchan para O Courel e deixan "aos...

Os restos de Uxío Novoneyra marchan para O Courel e deixan “aos seus amigos Pimentel, Anxel Fole, Álvaro Gil”

A familia decidiu levalos desde o cemiterio de San Froilán "á horta da súa casa", como pediu o poeta.

PUBLICADA O

- Advertisement -

Os restos mortais do poeta Uxío Novoneyra (Folgoso do Courel, 1930-Santiago, 1999) descansarán para sempre no Courel, tras ser trasladados este venres desde o cemiterio de Lugo ata “á horta da súa casa”, como pedira.

Así o manifestaron no acto de despedida celebrado este venres no cemiterio lucense de San Froilán, onde a súa familia recitou versos do poeta: “Vido visto ben Santiago / i esa cuestión non resolta / fago camiño de volta / camiño de volta fago. / Camiño de volta fago / volvo do cabo do Mundo. / Terra só en ti fúndome: / é a certeza que trago“.

Despois de máis de vinte anos en Lugo, os restos do poeta galego descansarán en Folgoso do Courel, na súa casa, como era o seu desexo. “O meu pai era un namorado de Lugo, era de Lugo, eu son de Lugo… pero el pediu facer o camiño á inversa: De Santiago ao Courel pasando por Lugo”, detalle Uxío Novo, fillo do homenaxeado.

RODEADO DE ROSAS

A familia quixo cumprir co desexo de Novoneyra e, tras ler varios dos seus poemas, co himno galego de fondo, describiu o seu novo lugar de descanso: “Estará na horta baixo terra, como el quería, rodeado de rosas, de follas de castiñeiro de verdade e tamén de bronce”.

Así, despois de dúas décadas “rodeado dos seus amigos” Pimentel, Anxel Fole, Álvaro Gil, entre outros, Uxío Novoneyra chega ao final do seu traxecto e descansará, para sempre, na súa casa, rodeado dos seus familiares.

ÚLTIMAS

O PP esixe ao Goberno que a provincia de Lugo estea no mapa das infraestruturas ferroviarias

O senador por Lugo e coordinador xeral do Partido Popular provincial, José Manuel Balseiro,...

A Audiencia de Lugo absolve a unha muller e a súa filla acusadas de estafar á avoa para que lles dese diñeiro

A Audiencia Provincial de Lugo absolveu a dúas mulleres, nai e filla, que estaban...

Besteiro urxe á Xunta que poña o foco na saúde mental da provincia de Lugo, onde hai “dous suicidios á semana” de media

O secretario xeral do PSdeG, José Ramón Gómez Besteiro, advertiu este xoves en Lugo da...

O goberno de Lugo reclama ao presidente da Xunta máis investimentos que os anunciadas o luns tras o Consello

A portavoz do PSOE no goberno local de Lugo, Ana González Abelleira, volveu a...