A Sociedade Filarmónica de Lugo vai programar 13 concertos ata maio a partir deste sábado con motivo do 75 aniversario da súa fundación.

O secretario da sociedade, José Luís Díaz, avanzou que será das programacións “máis ambiciosas das últimas décadas”, con motivo desta efeméride, coa presenza “do tres orquestras máis importantes” da comunidade galega, entre elas a Sinfónica de Galicia e tamén a Real Filharmonía con dous pases.

Xa para o 2022 e coincidindo co 125 aniversario da morte de Brahms, o cuarteto Quiroga interpretará pezas do autor alemán non só en Lugo senón tamén “no auditorio Nacional de Madrid”. Tamén, dentro desta programación, inclúese a presenza de solistas, entre outros do violinista francés David Grimal.

O concerto do próximo sábado será gratuíto e tamén se venderán entradas para estas audicións que se celebrarán no Circulo das Artes.