InicioCulturaDanza e teatro enchen de vida cultural a primavera de Lugo

Danza e teatro enchen de vida cultural a primavera de Lugo

O XXVI Festival de Teatro Universitario e o XVIII Encontro Universitario de Danza celebraranse na última semana de marzo.

PUBLICADA O

- Advertisement -

A primavera ha chegar a Lugo acompañada de moita vida cultural. Na última semana de marzo, a cidade acollerá o XXVI Festival de Teatro Universitario e o XVIII Encontro Universitario de Danza, dúas iniciativas de Lugo Cultural que contan co apoio da Deputación, o Concello e a USC.

A presentación das actividades tivo lugar este martes na Vicerreitoría da USC coa participación da vicepresidenta da Deputación, Maite Ferreiro, a vicerreitora de Coordinación do Campus de Lugo, Montserrat Valcárcel, o coordinador da Aula de Teatro da USC no Campus de Lugo, Sergio Zaerreta, e o director do Espazo de Danza da USC, Juan Carlos Zahera.

Ferreiro destacou que tanto o Encontro de Danza como o Festival de Teatro “son programacións moi consolidadas e valoradas polo público”. Pola súa parte, Valcárcel puxo en valor o “afán” da USC “para que a formación do alumnado non sexa simplemente académica”, senón “transversal” e aberta á sociedade.

O PROGRAMA

Así pois, o Festival do Teatro botará a andar o 27 de marzo, Día Internacional do Teatro durante o cal se lerá un manifesto na Praza Maior. As actividades prolongaranse ata fins de mes da man de catro compañías: a Compañía de Teatro USC-Lugo, a Compañía de Teatro USC-Santiago de Compostela, a compañía El Mayal Ule de León e a Aula de teatro universitario de Ourense Maricastaña. Todas elas actuarán no Auditorio Gustavo Freire con entrada gratuíta.

Ademais, o domingo 29 terá lugar o Mosaico, unha mostra de miniproxectos por parte de estudantes de Arte Dramático ou de persoas que estiveran nas Aulas de Teatro da USC.

Pola súa banda, o programa do XVIII Encontro Universitario de Danza conta coa participación de seis compañías, que ofrecerán espectáculos entre os días 27 e 28 no Vello Cárcere.

ÚLTIMAS

Tomé, en reunións con Altri e Ulloa Viva: “Fibras téxtiles si, celulosa non”

O presidente da Deputación de Lugo, José Tomé (PSdeG-PSOE), mantivo este martes dúas reunións con...

Collidos mentres “puenteban” o contador eléctrico dunha vivenda

Axentes da Policía Local de Lugo identificaron a dúas persoas por manipular os cables de...

Reunión de Altri con empresas forestais de Lugo para presentarlles o proxecto de Palas de Rei

Representantes de Greenfiber, formada pola enerxética Greenalia e a multinacional lusa Altri, reuníronse coa...

Dúas persoas faleceron tras chocar a súa furgoneta cun camión de cereal en Begonte

Dúas persoas faleceron este martes en Begonte ao chocar a furgoneta na que viaxaban cun...