A serie ‘Hierro‘ dos irmáns lugueses Jorge e Pepe Coira levou o galardón á Mellor serie dramática na gala dos Premios Feroz que outorga a Asociación de Informadores Cinematográficos de España (AICE) e cuxa cerimonia de entrega se celebrouo pasado xoves.
Os creadores de Rábade (Lugo) foron os únicos galegos que saíron cunha figura dunha gala na que arrasou a película ‘Dolor y gloria’ (Pedro Almodóvar), que se fixo cun total de seis galardóns.
Entre a representación galega na sétima edición dos Feroz tamén figuraban a longametraxe ‘O que arde’ de Óliver Laxe, que optaba ao premio en cinco categorías —entre elas Mellor Película e Director—M e o actor Luís Tosar, candidato ao galardón a mellor protagonista por ‘Quien a hierro mata’, cinta producida pola compañía coruñesa Vaca Films.
‘Dolor y gloria’, nomeada ao Óscar na categoría de Mellor Película de fala non inglesa, logrou nesta edición dos Feroz un total de seis dos dez premios aos que aspiraba: Mellor película dramática, Mellor dirección, Mellor guión, Mellor actor protagonista (Antonio Banderas), Mellor actriz de reparto (Julieta Serrano) e Mellor música orixinal.
