- Advertisement -
A neve obriga a circular con precaución na mañá deste luns pola estrada LU-633, que ten o seu inicio en Pedrafita do Cebreiro.
A Dirección Xeral de Tráfico (DGT) avisa de que a circulación está condicionada pola neve entre os quilómetros 0 e 19 desta estrada, en ambos os sentidos. Segundo a información de Meteogalicia, a cota de neve atópase na mañá desta xornada de luns a 800 metros en Galicia, mentres ascenderá ata os 1.000 metros a partir da tarde.
