InicioPolíticaOs populares de Cervantes reclaman máis medios para o dispositivo de inverno

Os populares de Cervantes reclaman máis medios para o dispositivo de inverno

A oposición no municipio da Montaña lamenta que o Concello renunciara a investir en nova maquinaria, ao tempo que observa falta de medios por parte da Deputación

PUBLICADA O

- Advertisement -

Logo do episiodio de nevaradas da fin de semana, con complicacións no subministro eléctrico e núcleos de poboación illados, son varios os Concellos sinalados pola falta de planificación e de medios axeitados. Malia que en Cervantes as incidencias foron de menor entidade que noutras vilas da montaña, a demora na limpeza das estradas dificultou o acceso aos centros de ensino e as reparacións de infraestruturas estratéxicas. En resposta, o Partido Popular da localidade reclama máis medios materiais e humanos para o dispositivo de inverno.

O grupo conservador entende que o Concello de Cervantes carece de recursos abondo para a limpeza de vías e outros arranxos, o que impide unha resposta autónoma nun termo municipal de considerable extensión, con arredor de 275 quilómetros cadrados. O voceiro dos populares, Javier Santín, pediu ao socialista Benigno Gómez que traslade á Deputación a necesidade de máis medios. “Tres días despois das primeiras nevaradas, os servizos provinciais seguen desbordados”.

Máquinas e brigadas

Para paliar este déficit no dispositivo de inverno, tanto na administración local como na provincial, o Partido Popular propón a contratación de brigadas de persoal “ou empresas externas que dean resposta a esta necesidade”. Consideran que o Concello de Cervantes “non investiu o suficiente”, e lamentan que se desbotara a dotación dun segundo tractor por parte de Medio Rural. Alén deste “erro”, dende a oposición lembran a moción aprobada por unanimidade no pleno local na que se solicitaba á Deputación unha máquina quitaneves propia.

“Estas peticións responden á necesidade de axilidade”, explican dende a formación. “A neve provocou grandes destrozos que non se arranxan ao cen por cento tan pronto. Esperemos que non volva nevar proximamente porque, neste caso, a situación podería empeorar”, comentou Santín. O popular observou asemade que o executivo local estaba aínda ocupado co desbroce, sen previsión dun dispositivo de inverno. 

“Cada cincuenta metros temos unha árbore, é imposible retirar todo”

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

Adxudicada as obras de acondicionamento e mellora da LU-710 que conecta a N-V coa A-6, en Baralla

A Consellería de Vivenda e Planificación de Infraestruturas adxudicou por 2.302.355 euros a execución...

Falece o empresario José Rouco tras saírse da vía co seu vehículo e chocar contra outros dous estacionados

O empresario José Rouco perdeu a vida tras saírse da vía co seu vehículo...