O vicepresidente da Xunta, Alfonso Rueda, e a conselleira de Politica Social, Fabiola García, visitaron este luns o Concello de Cervantes, en Lugo, onde o Goberno galego e o municipal colaborarán para a rehabilitación da antiga escola unitaria de Donís.
Durante a visita, Alfonso Rueda explicou que esta actuación é froito da colaboración entre varios departamentos e varias administracións co obxectivo de aproveitar unha instalación en desuso desde fai case dez anos para “reconvertela e darlle un novo” uso para todos os veciños.
Así, destacou que é grazas ás empresas eólicas que se pode facer isto debido ás axudas do Fondo de Compensación Ambiental. Nesta axudas enmarcou o converter a escola nun novo espazo rehabilitado con actividades especialmente dirixidas á mocidade e vinculadas ao medio ambiente, ao lecer e ao tempo libre e á natureza.
“Este fondo, posto en marcha polo Goberno galego no ano 2010 a partir do canon eólico, beneficia aos pequenos concellos e aos seus veciños para que poidan levar a cabo actuacións relacionadas con medio ambiente e co reequilibrio territorial”, dixo.
