A área sanitaria de Lugo rexistra este domingo, 11 de abril, unha lixeira baixada nos casos activos, que descenden en dous para quedar nun total de 158 pacientes con coronavirus, posto que as altas superaron os novos casos diagnosticados na provincia. Nas últimas 24 horas confirmáronse 11 novos positivos a través de PCR, segundo os datos que ofrece este domingo a Consellería de Sanidade, solicitados ata as 18,00 do sábado
Pola súa banda, a situación nos hospitais non experimenta cambios. Segundo o balance de datos de Sanidade, a área de Lugo-A Mariña-Monforte mantense con catro pacientes en planta e tres en coidados intensivos, igual ca onte. Todas estas persoas están a ser atendidas no Hula.
GALICIA
No conxunto de Galicia, sete días despois do final da Semana Santa, a presión hospitalaria que deixa a pandemia da covid-19 repunta con cinco pacientes máis, ata o total de 172 persoas ingresadas. Isto prodúcese na terceira xornada consecutiva na que subiron, aínda que lixeiramente, a cifra de casos activos da enfermidade, que se sitúan nos 2.305. Podes ler a información completa no Galicia Confidencial.
