InicioLugo e contornaCríticas da Xunta ao que chaman "salto perigoso" de Fomento sobre a...

Críticas da Xunta ao que chaman “salto perigoso” de Fomento sobre a intermodal de Lugo

O Goberno galego reprocha que nin o Executivo central nin o Concello de Lugo responderon á proposta de convenio remitida pola Xunta.

PUBLICADA O

- Advertisement -

A conselleira de Infraestruturas, Ethel Vázquez, cargou este mércores contra o “salto perigoso” do Ministerio de Fomento tras aprobar Adif por máis de 1,1 millóns de euros a licitación da redacción do proxecto da nova estación de tren e un aparcadoiro subterráneo no marco da futura intermodal.

En declaracións aos medios en Santiago, Ethel Vázquez censurou esta decisión do Ministerio en relación cun proxecto do que non se sabe “como se vai a pagar nin como se van a resolver as incompatibilidades urbanísticas”.

Deste xeito, a conselleira afea que o PSOE “está a cometer os mesmo erros que cometeu no pasado” con outras intermodais. A Xunta remarca que os proxectos deben partir dun acordo entre as administracións con competencias.

Así mesmo, o Goberno galego reprocha que nin o Executivo central nin o Concello de Lugo responderon á proposta de convenio remitida pola Xunta. De tal forma, lamenta que se descoñece como se vai a financiar, como se vai a facer a integración urbana e o aparcadoiro da intermodal, así como cal será a forma de resolver a incompatibilidade da PXOM para cumprir co anuncio de iniciar as obras en 2020.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...