InicioLugo e contornaLugoO PP esixe a Carmela López que aparte "de maneira fulminante" a...

O PP esixe a Carmela López que aparte “de maneira fulminante” a José Tomé tras ratificarse a denuncia por acoso

Os populares consideran que a situación "non admite máis silencios" e acusan de "pasividade absoluta" á presidenta da Deputación de Lugo.

PUBLICADA O

- Advertisement -

Os deputados do Grupo Provincial do Partido Popular esixiron á presidenta da Deputación, Carmela López, explicacións sobre a situación do exdiputado socialista José Tomé, despois de que este martes a muller que o denunciou por suposto acoso sexual ratificase a súa denuncia. Nunha nota de prensa, os populares aseguraron que “se confirma a gravidade” dunha situación que, apuntaron, “non admite máis demoras nin silencios cómplices” por parte do goberno provincial.

“Ata cando pensa seguir sen facer nada Carmela López?”, cuestionaron, á vez que censuraron a “pasividade absoluta” da presidenta da institución por manter a José Tomé na institución provincial. Neste contexto, os deputados do PP mostraron a súa “profunda preocupación” pola imaxe que, na súa opinión, está a transmitirse da Deputación de Lugo, onde “se mantén a cadeira de brazos e o soldo a un presunto acosador sexual”.

Por todo iso, o Grupo Popular insta a Carmela López a actuar e a “porse de lado do feminismo e das mulleres afectadas”, apartando a Tomé “de calquera responsabilidade e representación institucional de maneira fulminante”. “O silencio xa non é unha opción; cada día que pasa sen tomar decisións, a presidenta da Deputación convértese en cómplice política desta situación”, resolveu a formación.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...