A Policía Nacional identificou a un home, veciño da provincia de Lugo, como presunto autor dun delito de ameazas dirixidas, a través das redes sociais, a un xogador do Club Deportivo Lugo.
Segundo fontes policiais, os feitos remóntanse á noite do pasado 19 de abril, cando o futbolista empezou a recibir mensaxes ameazantes por redes sociais dun individuo que profiría insultos, advertencias explícitas sobre a súa integridade e incluso a queima do seu vehículo. O denunciante declarou sentir preocupación pola súa seguridade e pola da súa familia, até o punto de valorar trasladar temporalmente os seus achegados a outra localidade como medida preventiva.
Tras as indagacións policiais e grazas ao análise das imaxes e datos achegados, así como do perfil na rede social, os axentes da Policía Nacional conseguiron identificar o suposto autor dos feitos, un veciño da provincia de Lugo, que foi imputado por un presunto delito de ameazas. A Policía tamén recordou que este tipo de condutas, no marco da normativa deportiva, considéranse de odio e violencia vinculadas ao deporte.
