InicioLugo e contornaLugoLugo contará cun xulgado especializado en violencia machista por "demanda histórica"

Lugo contará cun xulgado especializado en violencia machista por “demanda histórica”

O delegado do Goberno, Pedro Branco, destaca que a nova praza na sección de violencia contra a muller reforzará a protección das vítimas.

PUBLICADA O

- Advertisement -

O delegado do Goberno en Galicia, Pedro Branco, destacou en Lugo que o Goberno “responde a unha demanda histórica” da provincia coa creación dunha praza específica na sección de violencia contra a muller, unha medida que suporá a posta en marcha dun xulgado especializado contra a violencia machista.

Tal e como trasladou a Delegación nunha nota de prensa, Branco subliñou que esta decisión “reforza a protección das vítimas, mellora a resposta xudicial e sitúa a Lugo no camiño dunha Xustiza máis próxima e máis áxil”. Tras reunirse coa presidenta da Audiencia Provincial de Lugo, Sandra Piñeiro, á que agradeceu o seu “traballo e colaboración”, o delegado apuntou que a súa “experiencia e compromiso” co servizo público “son fundamentais para seguir avanzando na mellora do sistema xudicial da provincia da man do Goberno de España”.

O obxectivo, explicou, é que a cidadanía dispoña dunha Xustiza máis especializada e con maior capacidade de resposta, especialmente en ámbitos “tan sensibles como a loita contra a violencia de xénero”.

+ posts

ÚLTIMAS

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...

Piden cinco anos de cárcere para unha moza por introducir droga no cárcere de Bonxe

A Audiencia Provincial de Lugo acolle este luns, 16 de novembro, unha vista preliminar...