InicioPolíticaComeza a construción dunha rede de 30 camiños rurais na parcelaria de...

Comeza a construción dunha rede de 30 camiños rurais na parcelaria de Triabá, en Castro de Rei

PUBLICADA O

- Advertisement -

A conselleira do Medio Rural, María José Gómez, e o alcalde de Castro de Rei visitou este mércores as obras na parroquia de Triabá, Castro de Rei, que permitirán crear unha rede de 30 novos camiños rurais na zona de concentración parcelaria. Este proxecto conta cun investimento da Xunta superior aos 4,2 millóns de euros nun plan de financiamento ata 2028.

Así, acompañada polo alcalde de Castro de Rei, Francisco Balado, supervisou o inicio dos traballos, que están cofinanciados polo Fondo Europeo Agrícola de Desenvolvemento Rural (Feader) e inclúen a construción de canles de drenaxe, obras de paso e balsas de decantación.

Con estas obras habilitaranse máis de 27,6 quilómetros de novos camiños, ademais de 13 canles e outras actuacións de drenaxe transversal, a limpeza e reapertura dunha canle completamente desnaturalizada, e outras intervencións destinadas a mellorar a xestión da auga na zona. Estas actuacións enmárcanse dentro do Plan de Reestruturación Parcelaria, dotado en 2025 con 14 millóns de euros.

Gómez destacou que este investimento “supón unha mellora significativa” para unha parcelaria que abarca 1.163 hectáreas, distribuídas en 3.144 parcelas pertencentes a máis de 550 propietarios. A conselleira subliñou que este tipo de actuacións “son unha ferramenta crave para mobilizar terra agraria, combater o minifundismo, incrementar o valor das leiras e ampliar a base territorial das explotacións, contribuíndo ao mesmo tempo a reducir o abandono de terras”.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...