A Policía Local de Lugo identificou a dous mozos sorprendidos mentres realizaban pintadas na mañá de Nadal en muros da rúa Montero Ríos e en varios edificios da Rolda da Muralla. Segundo informou a Comisaría da Policía Local da capital luguesa, os mozos foron identificados ás 07,20 horas do pasado mércores por axentes da Policía de Barrio na rúa Castelao.

Os identificados levaban oito esprais, luvas, un rotulador permanente e unha bolsa con boquillas. Por todo iso, foron propostos para unha sanción que oscilaría entre 300 e 6.000 euros.

Ademais, a Policía Local tamén formulou unha denuncia contra outro home que foi identificado mentres esnaquizaba a fartar os retrovisores dos coches estacionados na Rolda Xosé Castiñeira.

E.P.

+ postsBio ⮌

• E.P.

  Detida en Lugo tras entrar pola forza nunha vivenda, agredir unha muller e regresar para ameazala
• E.P.

  Terra Nova abrirá o San Froilán cun DJ sinfónico e estreará a súa primeira ópera en 2027
• E.P.

  Candia anuncia que duplicará as axudas para proxectos de entidades sociais
• E.P.

  O PP reclama un plan de choque para “frear a sangría” de autónomos na provincia de Lugo