- Advertisement -
Un lucense foi detido na xornada de onte pola Policía Nacional por ameazar con facer voar as obras de construción da estación intermodal de Lugo. O home, de mediana idade, alegou que as obras lle impedían durmir. A detención levouse a cabo despois dunha investigación levada a cabo pola Policía Nacional para atopar a orixe das ameazas, realizadas anonimamente a través da caixa de correos dixital do Concello.
As obras que se realizan en Lugo para a construción da Intermodal teñen quendas de traballo durante as 24 horas, para poder acelerar a marcha das mesmas, o que xerou protestas veciñais en varias ocasións. Despois de ser interrogado, o detido foi posto en liberdade ás poucas horas sen pasar a disposición xudicial.
