Un home tivo que se trasladado con síntomas de intoxicación por fume tras un incendio no almacén dunha ferraxaría, situada na rúa de Valdriz, na Pobra de San Xiao. Segundo informou o 112, foi un particular o que ao fío das 16:00 horas deste venres deu a voz de alarma e detallou que o lume era bastante virulante.
Ata o punto desprazáronse os Bombeiros de Sarria e a central de emerxencias puxo os feitos en coñecemento do Concello e do servizo contra incendios da zona. Os Bombeiros procederon a ventilar e a arrefriar a zona, xa que o lume fose extinguido polo propio alertador, e indicaron que ardese uns plásticos. No operativo tamén participou a Garda Civil e os profesionais de Urxencias Sanitarias de Galicia-061 que evacuaron ao home ao Hospital Universitario Lucus Augusti.
