A alcaldesa de Lugo, Paula Alvarellos, asegurou que a decisión xudicial que reafirma que non haberá indemnización para o promotor das torres de O Garañon era “esperada” e “satisfactoria”.
Así o dixo despois de que o Tribunal Superior de Xustiza de Galicia declarase firme a sentenza emitida polo Xulgado do Contencioso-Administrativo número 2 de Lugo na que se denegaba ao promotor desta construción unha indemnización de 15,4 millóns de euros, que lle reclamaba ao consistorio.
Con esta decisión, lembrou Alvarellos, “dáse por pechada a vía dos tribunais”, e o concello “non terá que facer fronte a ningua indemnización”. “Como xa esperabamos”, apostilou.
Paralelamente, dixo, o consistorio continúa “a súa folla de ruta” para a modificación puntual da PXOM co obxectivo de “lograr que esa parcela pase a ser zona verde de uso público”, indicou.
