Un home acusado de abuso sexual a unha menor admitiu os feitos e aceptou este martes dous anos de prisión, así como afastamento da vítima durante un período de 10 anos. A vista, a porta pechada, estaba fixada na Audiencia Provincial de Lugo, pero non chegou a celebrarse dado que Fiscalía e acusado chegaron a un acordo de conformidade.
Segundo el, o home admitiu os termos do abuso sexual a unha nena menor de 13 anos, un delito ocorrido no seu domicilio entre os anos 2015 e 2016. Por iso, aceptou dous anos de prisión polas atenuantes de confesión tardía e reparación do dano.
Ademais, non poderá achegarse á menor nin comunicarse con ela durante un período de 10 anos, os mesmos que deberá someterse a liberdade vixiada. Queda inhabilitado para calquera actividade ou profesión que implique contacto con menores.
O acusado indemnizará á menor nos gastos do seu tratamento terapéutico prestado por unha psicóloga entre os anos 2020 e 2024, por un importe total de 2.100 euros. Con anterioridade ao xuízo, xa lle abonou unha indemnización de 30.000 euros.
