InicioEconomíaAsinadas as novas táboas salariais da hostalaría, con subidas dun 3 e...

Asinadas as novas táboas salariais da hostalaría, con subidas dun 3 e un 5,66%

CCOO sinala que, unha vez se publíquen no Boletín Oficial da Provincia de Lugo, serán de aplicación obrigatoria.

PUBLICADA O

- Advertisement -

A Federación de Servizos de CCOO acaba de asinar coa patronal do sector as novas táboas salariais do convenio provincial de hostalaría de Lugo, “que recolle importantes subidas económicas e o pago de atrasos”. O sindicato destaca, ademais, que o incremento económico é superior ao que recollía o convenio colectivo para evitar “distorsións derivadas do novo salario mínimo (SMI)”.

CCOO explica que no 2023 “foi necesario incrementar moitos dos salarios deste convenio para adecuarse á subida do salario mínimo interprofesional, para evitar que quedasen por baixo do fixado legalmente”.

“Deste xeito, as categorías máis baixas, ao equipararse ao SMI, igualaron as que estaban por riba e, por tanto, e de acordo con todas as partes asinantes, aprobáronse subidas superiores ao establecido no convenio para poder manter a diferenza salarial entre as categorías inferiores e as superiores“.

“Deste xeito, as táboas asinadas por CCOO supoñen para 2024 entre un 3% e un 5,66% máis que o ano pasado, en función de cada categoría profesional”, apunta. Por último, CCOO sinala que, unha vez se publíquen as novas táboas no Boletín Oficial da Provincia de Lugo, serán de aplicación obrigatoria. Así mesmo, as empresas que non o fixesen xa voluntariamente deberán pagar os atrasos con efectos desde o 1 de xaneiro deste ano.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...