A Policía Local de Lugo auxiliou a dúas persoas que quedaron encerradas no cemiterio de San Froilán da capital luguesa tras non decatarse do horario de peche da instalación municipal.
O incidente tivo lugar na tarde noite do xoves, cando a central da Policía Local recibiu unha chamada na que dúas persoas pedían axuda porque non podían saír do cemiterio.
Unha patrulla desprazouse ao recinto para auxiliar a estas persoas e abrir a porta principal do cemiterio de San Froilán.
Doutra banda, a Policía Local tamén interveu no incendio declarado nun ciclomotor de repartición de rápida, que empezou a arder mentres se atopaba estacionado.
