Un home resultou ferido este domingo tras o choque dun camión contra un dos postos do mercado gandeiro do municipio lucense de Becerreá.
Segundo informou o 112, recibiron a chamada dun particular pasadas as 8,30 horas que explicou que un camión que manobraba no mercado chocou contra un dos postos, o que provocou a caída dunhas das persoas que estaba no lugar.
Ademais de resultar ferido, o particular engadiu, que o home perdeu a conciencia. No operativo participou Urxencias Sanitarias de Galicia-061 e os axentes da Garda Civil de Tráfico.
