O Concello de Lugo informou de que se volven a pechar os parques da cidade a partir das 15.00 horas por mor dun fenómeno meteorolóxico de nivel amarelo, por ventos que poden deixar refachos de ata 80 km/h e que afectarán á Mariña e centro de Lugo. Os operarios dos servizos municipais precintarán así os parques de Rosalía de Castro, Marcos Cela e A Milagrosa. Ademais, faise un chamamento á cidadanía para pedirlle que respecten estas limitacións, evitando “correr riscos innecesarios” para non pór en perigo a súa seguridade.