InicioLugo e contornaConcentración en Lugo do SLG pedindo un plan contra a velutina pola...

Concentración en Lugo do SLG pedindo un plan contra a velutina pola súa “expansión incontrolable”

A presenza da velutina, detectada en Galicia este ano en áreas situadas "a máis de 1.000 metros de altura", representa un grave perigo para a "biodiversidade" e especialmente para "o sector apícola".

PUBLICADA O

- Advertisement -

Ao redor dun centenar de persoas participaron este mércores en Lugo nunha concentración organizada polo Sindicato Labrego Galego (SLG) para esixir á Xunta “un plan de loita” contra a avespa velutina e frear así a “expansión incontrolable” dunha especie que está a causar, denuncian, “grandes cifras de mortaldade”.

“Hai máis de dez anos que temos avespa velutina en Galicia”, denunciou, en declaracións a Europa Press, a coordinador da área de Apicultura e Montes do Sindicato Labrego Galego, Diego Sánchez Agra, antes de precisar que a “estratexia estatal” de loita contra a especie exótica invasora “tampouco se está cumprindo”.

A presenza da velutina, detectada en Galicia este ano en áreas situadas “a máis de 1.000 metros de altura”, representa un grave perigo para a “biodiversidade” e especialmente para “o sector apícola”, explican desde o sindicato.

“O problema vaise a facer cada vez máis grande porque a especie non ten ningún depredador”, subliñou Diego Sánchez Agra, para quen a ausencia de solucións institucionais está a ocasionar “un grave problema ambiental” e “un risco para a saúde das persoas”.

A mobilización, que se desenvolveu sen incidentes, tivo lugar fronte á delegación territorial da Xunta de Galicia en Lugo.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...