Un veciño de Carballo, de 67 anos, foi detido pola Garda Civil por facerse pasar por madeirista no municipio lucense de Friol para realizar estafas e levar a cabo un furto de xoias e diñeiro no interior dun domicilio.
O presunto autor fíxose pasar por madeirista para facer unha estafa polo método do cambio de billetes. Tanto neste caso como no furto levou en ambos os delitos un total de 5.000 euros. A persoa detida foi posta a disposición xudicial.
Por outra banda, a Garda Civil informa que imputa en calidade de investigadas a dúas veciñas de Vilalba, de 66 e 43 anos, como presuntas autoras dun delito de coaccións e outro de apropiación indebida.
As dúas mulleres investigadas supostamente cambiaron a fechadura da vivenda que un defunto familiar da denunciante tiña alugada, negándose á súa vez a devolver 20.000 euros do pago adiantado que figuraba no anexo do contrato asinado ata 2027. As persoas investigadas foron postas a disposición xudicial.
