A Policía Nacional detivo ao presunto autor dunha agresión con arma branca a un home, de 41 anos e iniciais A.F.C., que tivo que ser trasladado ao Hospital Universitario Lucus Augusti (Hula).

Os feitos sucederon ás 23,53 horas na rúa Serra de Outes da capital lucense. O 112 Galicia recibiu o aviso a través dunha persoa particular que alertaba dun altercado neste punto.

Ata o lugar, ademais de persoal do 061, desprazáronse axentes da Policía Nacional e da Policía Local.

Para atender ao ferido, o Servizo de Urxencias Sanitarias de Galicia-061 mobilizou unha ambulancia asistencial de Soporte Vital Básico e persoal sanitario da PAC de Lugo. Posteriormente, a vítima foi trasladada ao Hospital Universitario Lucus Augusti (HULA)