O Arde Lvcvs inicia este sábado, día 10 de xuño, a conta atrás para a celebración da súa XXII edición co Natalicio, o acto de partida das celebracións, que terá lugar ás 20,30 horas na Praza de Santa María.
Diso informou o Concello de Lugo, que destaca que nove asociacións organizan o evento que, máis aló da narración histórica, a ofrenda aos deuses e o desfile ata a Mosqueira, incorpora como novidade a posta en escena de tres obras de teatro.
A música de Abrahám Cupeiro será o fío condutor de todo o relato, no que tamén se poderá escoitar o himno Calendis de José María Núñez interpretado prol o Orfeón Xoán Montes e a Coral Ecos do Miño.
A alcaldesa de Lugo en funcións, Lara Méndez, convidou este venres á cidadanía a participar nas festas deste primeiro evento que será o prólogo da transformación que vivirá a capital entre o 22 e o 25 de xuño e coa que se rememorará a orde que o emperador Octavio Augusto deu para construír as cidades de Lucus Augusti, Bracara Augusta (Braga) e Asturica Augusta (Astorga), hermanadas desde 1986.
“A partir de maña Lugo empeza a avivar a chama do Arde Lvcvs. A cidade retrocederá 2.000 anos para revivir o seu pasado castrexo-romano e encherse de novo de bulicio”, destacou a alcaldesa en funcións.
