Un home foi detido pola Policía Nacional por apuñalar a outro home durante a tarde do pasado xoves nunha céntrica praza de Lugo.
Segundo trasladou a Comisaría Provincial de Lugo, o incidente tivo lugar a media tarde en Fonte dos Ranchos, onde dúas persoas iniciaron unha discusión que derivou nun enfrontamento no que un dos implicados esgrimiu unha arma branca coa que agrediu ao outro.
Este último pediu axuda á Policía Nacional, que logrou identificar ao presunto agresor grazas ao testemuño da vítima, trasladado ao HULA con feridas que non revisten gravidade. O agresor foi arrestado nun hostal da capital luguesa no que se atopa hospedado, desde onde foi trasladado á comisaría da Policía Nacional na que pasou a noite á espera de ser posto a disposición xudicial este venres.
