O presidente da Deputación de Lugo, José Tomé Roca presentou este martes, na chaira do Fogar de Santa María na capital de provincia, o proxecto co que creará 165 prazas de aparcadoiro gratis, cun investimento de medio millón de euros.
Segundo trasladou a institución provincial nun comunicado, este traballo atópase en fase de licitación e prevese que as obras arrincarán na primavera, cun prazo de execución de catro meses.
Tomé recalcou que con este traballo “multiplícase por catro a capacidade de estacionamento” deste recinto e que se fará “máis accesible, cómodo e humanizado” a contorna dos pavillóns de Santa María coa reordenación dos espazos, pavimentación ou axardinamento, entre outras actuacións.
