Os Bombeiros de Vilalba tiveron que excarcerar ao condutor dun vehículo que resultou ferido tras envorcar co seu vehículo na estrada LU-P-0801, ao seu paso pola parroquia de Santa María de Trobo, no municipio lucense de Begonte.
Segundo trasladou o 112, pouco despois das 20,00 horas un particular alertou á central de emerxencias de que un vehículo acababa de sufrir unha saída de vía na zona do campo de fútbol de Saavedra.
O condutor permanecía no interior e nin el nin o propio alertador, que se achegou para auxilialo, eran capaces de abrir a porta. Así, os operadores do 112 solicitaron a colaboración de Urxencias Sanitarias de Galicia-061, dos Bombeiros de Vilalba, do GES de Friol-Pas e dos axentes da Garda Civil de Tráfico.
Xa no lugar, os equipos de emerxencia procederon a excarcerar ao ferido, que foi trasladado polos servizos sanitarios ao centro hospitalario de referencia.
