InicioA UlloaMonterrosoO PP negocia a fichaxe da alcaldesa de Monterroso

O PP negocia a fichaxe da alcaldesa de Monterroso

O ex alcalde Gato volverá presentarse como candidato do PSdeG.

PUBLICADA O

- Advertisement -

O PP provincial de Lugo abriu a porta á incorporación da alcaldesa de Monterroso, a independente Rocío Seijas, quen concorrera nas eleccións municipais de 2019 na lista que no seu día encabezou Antonio Gato, por quen, á súa vez, aposta o PSOE para encabezar a súa candidatura para os próximos comicios locais.

A presidenta do PP, Elena Candia, puxo en valor o traballo dun equipo de goberno, “con estabilidade e con moitas dificultades”. Un equipo, dixo, que en pouco tempo “foi capaz de instalar a normalidade e o traballo, e pondo os intereses dos veciños por encima de ningunha pelexa interna no foro de ningún partido”.

Os populares en Monterroso gobernan coaligados cos independentes de Rocío Seijas, logo de abandonar a Alcaldía Gato, que agora retornará como cabeza de lista do PSOE. Candia, sobre as negociacións, limitouse a dicir que “esa pregunta hai que trasladarlla tanto a Rocío (Seijas), como aos seus compañeiros e ao tenente de alcalde, que é o presidente do comité local de Monterroso”, Eloy Pérez.

GATO NON SE “REAFILIOU” AÍNDA AO PSOE, PERO CELEBRA A SÚA VOLTA

En Monterroso, o xa candidato socialista, Antonio Gato, revelou hoxe que aínda non se ha “reafiliado” ao PSOE tras a súa saída en 2018 e “despois de case 50 anos” militando nas filas socialistas.

Gato explicou que a súa marcha chegou “forzada” polo que fora secretario provincial do PSOE, Álvaro Santos, e rexeitou profundar no asunto. “Esa persoa e algunha máis desapareceron da miña vida”, advertiu. No entanto, o ex alcalde confesou que volverÁ ao partido, aínda que non se volveu a afiliar aínda, significa regresar á súa “casa”, polo que se mostrou “moi contento e moi satisfeito”.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...