Un ciclista foi denunciado ao negarse a facer unha proba de alcoholemia en Lugo, despois de que fose interceptado pola Policía Local ante a súa condución errática, así como por insultar aos axentes, nunha actitude que proseguiu posteriormente desde a xanela da súa vivenda, próxima ao lugar no que se realizaba o control.

Segundo o relato policial, o ciclista circulaba por zona peonil na madrugada do venres ao sábado “con signos evidentes” de atoparse baixo a influencia de bebidas alcohólicas. Así, foi denunciado administrativamente por negarse a facer as probas –o que carrexa unha sanción de 1.000 euros–.

Posteriormente, foi tamén denunciado, con base na Lei de Seguridade Cidadá –coñecida como ‘lei mordaza’–, ao manter unha actitude “desafiante” e insultar aos axentes, actitude que “mantivo despois” desde a xanela da súa vivenda.

Paralelamente, durante o fin de semana, a Policía Local denunciou a dous condutores por arroxar positivo en alcoholemia, así como a outro ao que se lle retirou o carné de conducir. Paralelamente, foron denunciados 32 condutores por exceso de velocidade.