O xulgado de instrución de Chantada decretou a posta en liberdade do home detido por gravar co seu teléfono móbil a unha muller mentres se duchaba nun albergue de peregrinos de Portomarín. O arrestado, de nacionalidade portuguesa e uns 50 anos de idade, está investigado por un delito contra a intimidade, despois de ser sorprendido mentres gravaba á muller na ducha.
Segundo trasladou o Tribunal Superior de Xustiza de Galicia (TSXG), o detido prestou declaración ante o xulgado de instrución, que levou a cabo este xoves todas as dilixencias posibles para evitar que os implicados, todos peregrinos, deban volver a dependencias xudiciais.
Así as cousas, o xulgado está agora á espera de que a Garda Civil remita o envorcado da gravación do teléfono para incluílas nas dilixencias e o posterior envío do caso ao Penal para a celebración do xuízo.
