InicioSociedadeAlertan de que haberá que abonar unha indemnización millonaria ao promotor das...

Alertan de que haberá que abonar unha indemnización millonaria ao promotor das torres do Garañón

A asociación ecoloxista Adega asegura que a construción é "consecuencia dunha política urbanística onde falta profesionalidade e rigor".

PUBLICADA O

- Advertisement -

A asociación ecoloxista Adega alertou da indemnización millonaria que o Concello de Lugo se verá obrigado a abonar ao promotor das torres do Garañón, na cidade de Lugo, aos pés do parque Rosalía de Castro, urbanización que foi paralizada e investigada pola xustiza.

Aínda permanece o esqueleto das devanditas torres que miran cara ao río Miño desde o parque da cidade de Lugo. Esta semana, o Concello emprazaba o construtor a que presente un proxecto de demolición no prazo de dous meses. Se non actúa, así o Consistorio asumirá subsidiariamente a derriba.

Un dos portavoces de Adega, Froilán Pallín, asegurou que isto “é a constatación dun feito, de como non se debe de proceder e é consecuencia dunha política urbanística onde falta profesionalidade e falta rigor”. “Froito desa irresponsabilidade e de non escoitar, ao final os cidadáns pagan. Agora ordénase derrubar e o Concello terá que indemnizar”, protestou.

Pallín sentenciou que, “evidentemente, o problema do urbanismo na cidade de Lugo é un problema dunha concepción e aprobación dun plan xeral (de ordenación municipal) para unha cidade de 300.000 habitantes”. “En 15 ou 20 anos prevía (a PXOM) chegar a eses 300.000 habitantes e probablemente non se pase dos 100.000”, apuntou.

Finalmente, vaticinou que as obras que se levan a cabo, actualmente, en Carril das Flores, fronte á porta de San Pedro e fronte á muralla romana de Lugo, acabará como “o segundo Garañón”. Estes traballos foron denunciados ante o Tribunal Supremo.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...