O Ministerio de Transportes, Mobilidade e Axenda Urbana (Mitma) executa a construción da glorieta de conexión da estrada N-6, no quilómetro 498,800, coa rúa Alfonso X o Sabio, en Lugo.
Por este motivo e con obxecto de garantir a seguridade durante a execución das obras, será necesario proceder, a partir do próximo luns 20 de xuño, ao corte total do tráfico na rúa Alfonso X o Sabio e do seu acceso cara a e desde a estrada N-6.
Implantarase un desvío de tráfico debidamente balizado e sinalizado, pola rúa Benigno Ledo á que se accede desde a N-6 pola glorieta e a avenida de Madrid, e que afectará os vehículos que circulen pola N-6 para incorporarse á rúa Alfonso X o Sabio e aos que se incorporarían a dita N-6 desde a citada rúa.
Os traballos que se están levando a cabo consisten na substitución da actual intersección en ‘T’ por unha nova glorieta entre a N-6 e a rúa Alfonso X o Sabio. Tamén se terán que executar a reposición dos servizos afectados e dos elementos de drenaxe lonxitudinal, a instalación dunha nova sinalización e outras obras complementarias.
