InicioSucesosCae outro tramo do viaducto da A-6

Cae outro tramo do viaducto da A-6

O BNG esixe unha solución "urxente e rigorosa" para o viaducto.

PUBLICADA O

- Advertisement -

Un novo tramo da A-6 entre os municipios de Pedrafita do Cebreiro e o Castro, en Vega de Valcárcel, no Bierzo, derrubouse esta tarde.

Segundo apunta o tenente de alcalde e voceiro do BNG no Concello de Lugo, Rubén Arroxo, na súas redes sociais “Concelleir@s da comarca estamos en Pedrafita e xusto agora acaba de caer outro vano do viaducto”.
Polo momento non se ten constancia de feridos neste novo sinistro, aínda que a zona estaba xa previamente asegurada e fechada ao tráfico. “O BNG imos presentar unha moción no pleno da Deputación para instar ao Estado o rápido arranxo”, sinala Arroxo.

VISITA

Precisamente, representantes institucionais do BNG dos distintos concellos afectados polo esborralle do viaduto da A-6 esixiron ás institucións unha solución “urxente e rigorosa” para o viaduto da A-6. Nunha visita á zona, a portavoz do BNG na Deputación de Lugo, Maite Ferreiro, declarou que, no próximo pleno, presentaron unha moción na que piden ao Goberno do Estado unha solución urxente e rigorosa para o tramo afectado, ao mesmo tempo que solicitan que actúen o trazado alternativo para garantir a seguridade viaria.

A proposta do BNG na Deputación de Lugo únase ás distintas propostas realizadas pola organización nacionalista nas distintas administracións, onde tamén se reclama, por parte do Goberno do Estado, unha investigación transparente e independente que permita coñecer as causas do sinistro e dirimir responsabilidades.

A A-6 é unha infraestrutura crave para Galicia que está a ser tratada como un asunto menor por parte do Goberno do Estado“, afirmou Maite Ferreiro, que engadiu que “se isto ocorrese noutras zonas”, xa habería prazos de recuperación da infraestrutura. Entre as distintas propostas do BNG inclúese unha auditoría da totalidade da A-6, para o que se solicitou xa no Congreso a comparecencia da Ministra de Transportes.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...