Axentes da Policía Local de Lugo sorprenderon a un individuo cando roubaba nun vehículo despois de tantear varios estacionado en rúas da capital luguesa. Segundo informou a Policía Local, sobre as 7,30 horas do pasado 17 de maio unha patrulla da Unidade Territorial de Policía de Barrio foi enviada á rúa Otero Pedrayo porque un home trataba de abrir os vehículos estacionados.
Os axentes desprazados localizado a este individuo e fixéronlle un seguimento. Así, observaron polas rúas Conde, Río Sil, Lucas Ferro Caaveiro e Pombal, “tanteando” todos os vehículos que atopaba, destacaron as mesmas fontes policiais.
O home introduciuse nun dos vehículos estacionados e foi interceptado cando saía do mesmo, momento no que foi identificado e cacheado. Os axentes acharon no seu poder “certa cantidade de diñeiro” e un frasco de perfume, que foi recoñecido polo propietario do coche como seu. Por iso, instruíronse dilixencias para o xulgado de garda.
