A Deputación de Lugo inaugura este xoves unha nova residencia de maiores, o Centro de Atención a Maiores Santa María de Meira. Segundo informou a entidade provincial nun comunicado, asistirán á inauguración o presidente da Deputación de Lugo, José Tomé Roca; e o Alcalde da localidade, Antonio de Dioss. No acto participarán ademais membros das corporacións provincial e municipal, persoal que atenderá a residencia e persoas que entrarán a vivir, ademais de veciños e veciñas.
Esta é a sétima residencia da rede provincial, posto que xa están en marcha a de Pol, Trabada, Ribadeo, Castroverde, Pedrafita e AFonsagrada. O centro contará con 30 prazas de residencia, ampliables a 38 se fose necesario. Os veciños de Meira terán prioridade de acceso á residencia, a continuación os dos municipios limítrofes e, tras eles, os do resto da provincia de Lugo.
O custo da praza adaptarase á capacidade económica de cada persoa “para que todos poidan acceder á mesma”. Os primeiros preingresos están previstos para o vindeiro venres 26.
