A Consellería de Sanidade informou este mércores do falecemento doutras catro persoas, unhas mortes que elevan o total de vítimas mortais con covid en Galicia a 2.574.
Segundo informou o departamento autonómico, dous destes falecementos tiveron lugar na xornada do martes. Trátase dun home de 64 anos, procedente da residencia das Gándaras, que faleceu no Hospital Universitario Lucus Augusti. Ademais, perdeu a vida outro home de 81 anos no Hospital de Valdeorras.
Pola súa banda, Sanidade informou doutros dous falecementos rexistrados na xornada deste mércores. En concreto, morreu un home de 70 anos, usuario do Centro de Atención a Persoas con Discapacidade de Chapela, no Complexo Hospitalario Universitario de Vigo (CHUVI). Ademais, faleceu outro home de 83 anos no Hospital de Povisa.
Conforme sinalaron as autoridades sanitarias galegas, todos eles tiñan patoloxías previas.
