O ‘Arde Lucus’, a festa de recreación do pasado romano e castrexo da cidade, arrinca na súa XX aniversario marcado pola pandemia e no que a “seguridade e a cautela” coparán gran parte do protagonismo.

De feito, parte das actividades programadas poderanse seguir “a través de streaming”, como a tradicional entrada as tropas romanas na cidade.

En suma, serán trintena de iniciativas organizadas na rúa, 19 as asociacións de recreación histórica e 17 os campamentos, entre castrexos e romanos, que xa alagan as vías de Lugo, sobre todo no centro.

A festa estenderase ata o domingo, concentrándose o groso de actividades dentro de murallas.

A alcaldesa de Lugo, Lara Méndez, non esconde que neste vinte aniversario gustoulle ” celebralo desde outra perspectiva”, pero insistiu en que o momento é “complicado, difícil” e “a precaución e a seguridade ten que estar por encima de todo”.

Para este ano combínanse actividades a través das redes, “como se fixo maioritariamente o ano pasado”, con outras programadas e con todas as medidas de seguridade. “Sempre haberá un control de aforamento, onde haberá itinerarios de entrada e saída para garantir a seguridade”, subliñou.

Méndez concreta que “son case 30 actividades na rúa”, resaltando, que “estarán controladas, con citas previas ou con solicitude de entrada para asegurar os aforamentos”.

En canto ao “volume de negocio”, recoñeceu que “é complicado” de calcular pola pandemia e mesmo por como se vai a comportar “a climatoloxía, si vai axudar ou non porque é tamén un factor crave”.

A pesar de todo, a alcaldesa de Lugo presume dun “ambicioso programa”, confiando que o próximo ano xa se volva ao que foi esta festa nos últimos anos.