EFE | Un home que encaixou o coche que conducía contra outros dous vehículos que estaban estacionados nunha rúa de Lugo deu unha taxa de alcol catro veces superior á permitida pola lei.
Segundo informou a Policía Local, o accidente produciuse o pasado día 6 pola tarde, concretamente ás 18:35 horas na Ronda das Fontiñas.
Ao presentarse no lugar do accidente, os axentes da Policía Local decatáronse de que o condutor tiña síntomas evidentes de ter bebido, de modo que lle practicaron o correspondente control de alcoholemia. O condutor deu unha taxa de 0,94, case catro veces máis do permitido pola lei, de modo que os axentes instruíron dilixencias por un suposto delito contra a seguridade viaria.
A Policía Local tivo que intervir durante a fin de semana como consecuencia doutros cinco accidentes de tráfico.
