A Policía Local de Lugo interceptou este fin de semana un coche de matrícula estranxeira que levaba os números e as letras da placa pintados cun rotulador permanente.

O corpo municipal detectou este vehículo no transcurso dos operativos de vixilancia levados a cabo no centro urbano durante o fin de semana, nos que se comprobou que un total cinco automóbiles circulaban sen seguro obrigatorio.

Isto implicou a súa sanción cunha multa de 1.500 euros e o retiro do coche ao depósito municipal. Dous destes, incluído o que tiña os números escritos con rotulador, portaban placas de matrícula estranxeiras.

ALCOL

Ademais, a Policía Local sorprendeu durante o fin de semana a dous condutores que dobraban a taxa de alcoholemia permitida ao volante. O primeiro foi detectado na rúa Aquilino Iglesias Alvariño e deu un resultado positivo de 0,55 miligramos por litro de sangue, mentres que o segundo, interceptado na rúa Milagrosa, deu 0,53.

Contra ambos iniciouse un expediente sancionador, que levaría unha multa de 1.000 euros e a retirada de seis puntos do permiso de conducir.