A Fiscalía solicita cinco anos de prisión para un adestrador deportivo acusado de abusar sexualmente dunha menor durante un ano e medio entre xullo de 2015 e xaneiro de 2017. O caso procede do xulgado de Mondoñedo e chega a xuízo arrinca o vindeiro xoves 24 na Audiencia de Lugo.
Segundo o escrito do Ministerio Público, o acusado valeuse da súa condición de adestrador para iniciar unha relación cunha das xogadoras, menor de 16 anos, á que someteu a abusos sexuais de forma continua durante 18 meses.
Ademais da pena de prisión e outros cinco anos de liberdade vixiada, a Fiscalía pide unha orde de afastamento de 500 metros e a prohibición de dirixirse á vítima durante un período de 6 anos, ademais da inhabilitación para exercer postos ou actividades que impliquen contacto con menores e unha indemnización á agredida de 6.000 euros.
