O dianteiro Jona Mejía foi presentado este mediodía como novo xogador de Club Deportivo Lugo. Chega cedido por unha tempada procedente do Córdoba C.F. con opción de compra para o club lucense.
O punta, de 29 anos, afirmou que “o ano pasado non foi bo por números”, polo que chega con “tódalas ganas”. “Sentín a confianza que precisaba nese intre e non o dubidei”, comentou. “É un paso importante porque as ganas que teño despois do ano pasado non mas quita ninguén. O estilo do Lugo aseméxase ao meu estilo de xogo e pode ser unha boa combinación”, declarou taxante.
Jona definiuse como dianteiro: “Son un nove de referencia, gústame pelexarme cos centrais, descargar o equipo e ir ao espazo”.
Por outra banda, explicou que Josete Malagón e Fede Vico faláronlle “estupendamente do club e da cidade”. Considera que Lugo é “unha cidade idónea para que volva render”.
O director deportivo de Club Deportivo Lugo, Emilio Viqueira, destacou “a ilusión, o compromiso e as gañas” de Jona por vir “dende o primeiro día”.
Viqueira, ademáis, respondeu que quere “catro posibilidades de xogar arriba” na dianteira. Agora mesmo, o equipo conta con catro dianteiros: o propio Jona Mejía, Jean Marie Dongou, Cristian Herrera e Daniel Escriche.
