- Advertisement -
Case a totalidade da provincia de Lugo estará este mércores 24, día de San Xoán, en alerta meteorolóxica por fortes tormentas e sarabia. A peor parte levaraa a zona da Montaña, baixo aviso laranxa; mentres que o centro da provincia e o sur estarán baixo aviso amarelo.
A Axencia Estatal de Meteoroloxía (Aemet) activará o aviso durante practicamente toda a tarde, dende as 13:00 horas ata as 21:00. Na Montaña agárdase risco importante por treboadas, con probable sarabia. No resto de Lugo, prognostícase choiva.
Na tarde do xoves 25, o aviso meteorolóxico xa só afectará o leste da provincia, onde se activará a alerta amarela.
