InicioSucesos(AMPLIACIÓN) Trasladadas ao HULA dúas persoas tras unha colisión en Castro de...

(AMPLIACIÓN) Trasladadas ao HULA dúas persoas tras unha colisión en Castro de Rei

O accidente produciuse na N-640, á altura de Ludrio.

PUBLICADA O

- Advertisement -

Unha colisión entre dous vehículos rexistrada na mañá deste martes no municipio lucense de Castro de Rei saldouse con dúas persoas trasladadas ao Hospital Universitario Lucus Augusti (HULA).

O 112 Galicia tivo constancia do accidente sobre as 12:00 horas deste martes. Foi un particular quen, a esa hora, avisou dun accidente na estrada de Lugo a Meira, a N-640. Ocorreu, concretamente, á altura de Ludrio, na localidade de Castro de Rei.

Nun primeiro momento o alertante asegurou que non eran necesarios os medios de excarceración pero, unha vez no punto, os servizos de emerxencia desprazados comprobaron que unha persoa estaba atrapada no interior dun dos vehículos.

Ademais de Urxencias Sanitarias de Galicia-061, o 112 puxo os feitos en coñecemento dos Bombeiros de Vilalba e dos axentes de Tráfico. Finalmente, os bombeiros comunicaron que cando chegaron a persoa xa fora liberada. Así mesmo, indicaron que o furgón onde se atopaba o ferido contiña botellas de gases medicinais, unha delas afectada debido ao impacto, polo que procederon a liberar o contido do recipiente.

Daquela, dúas ambulancias desprazaron os feridos ao hospital: unha de soporte vital avanzado para R.A.G., de 44 anos, e outra de soporte vital básico que levou ao mesmo centro ao mozo E.B.V., de 25 anos.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...