A área de Cultura do Concello de Lugo homenaxeará a Xoán Montes este luns, 13 de abril, coincidindo co 180 aniversario do nacemento do músico lucense. “Homenaxeamos nesta data a un dos músicos máis destacables da historia de Lugo, fundador da nosa Banda Municipal“, afirmou Maite Ferreiro.
Durante todo o día, as redes sociais da área de Cultura compartirán cada media hora versións do poema de Rosalía Negra Sombra, ao que Xoán Montes deu son no ano 1892. A edil de Cultura animou “a visitar durante todo o día as redes sociais e ver a pegada que Xoán Montes deixou na historia da música”.
Este luns 13/04 estamos a homenaxear a Xoán Montes polo 180 aniversario do nacemento do xenial músico lucense.
Comparte. Difunde que en #Lugo naceu e viviu un dos grandes músicos da Historia.
Bio e información completísima vía Grupo vocal Solo Voces en: https://t.co/r8KV6BM1NS pic.twitter.com/YNgcUa6mVE
— Cultura Turismo Lugo (@LugoTurismo) April 13, 2020
A área de Cultura avanza no traslado do busto de Xoán Montes á praza Maior. Segundo informou Maite Ferreiro, “as pezas da base xa están colocadas e cando a situación o permita realizarase o traslado do busto”.
