InicioSucesosDetido un veciño de Lugo por facer tocamentos a unha menor nun...

Detido un veciño de Lugo por facer tocamentos a unha menor nun centro comercial

Trátase dun home de 57 anos que foi trasladado a dependencias policiais por un delito de agresión sexual.

PUBLICADA O

- Advertisement -

Axentes da Policía Nacional adscritos á Brigada de Seguridade Cidadá da Comisaría Provincial de Lugo detiveron un home de 57 anos e veciño desta cidade, sen antecedentes, por un delito de agresión sexual a unha menor nun centro comercial.

Segundo informou a Policía Nacional, na tarde deste xoves recibiuse unha chamada desde un centro comercial na que se advertía de que se tiña retida a unha persoa por realizar “tocamentos en zonas eróxenas” a unha menor.

Ao lugar acudiu unha dotación de Radiopatrullas da Brigada de Seguridade Cidadá, que se entrevistou de forma separada co vixiante que tiña retida a esta persoa e coas denunciantes, sendo a vítima unha moza menor de idade, que ía acompañada dunhas amigas e a nai dunha delas.

Estas manifestaron que, unha vez entraron no local comercial, o individuo achegouse por detrás, “tocando a unha das nenas”, relataron as mesmas fontes policiais, polo que foi recriminado. Ante isto tentou marcharse do lugar acelerando o paso, polo que as denunciantes solicitaron a colaboración do persoal de seguridade do centro.

Así, un vixiante procedeu a interceder na situación, “primeiro tratando de acougar os ánimos, bastante alterados por todas as partes, neses momentos”, sinalou a Policía. Ademais, retivo ao presunto autor e avisou ás Forzas e Corpos de Seguridade.

Unha vez no lugar os axentes, e ante os feitos relatados, procederon á detención do home e ao seu traslado a dependencias policiais para tramitar o correspondente atestado, que, xunto co detido, foi posto a disposición da autoridade xudicial.

ÚLTIMAS

O Camiño Francés recollerá firmas entre os peregrinos para frear o proxecto de Altri

O Camiño Francés, liderado pola Fraternidade Internacional do Camiño de Santiago (FICS), anunciou o lanzamento dunha campaña internacional...

Baixa o paro en Lugo un 2,1% en abril

O número de parados rexistrados nas oficinas galegas dos servizos públicos de emprego baixou en...

Collen a un condutor coa taxa máis alta de alcol no que vai de ano, cinco veces máis do permitido

A Policía Local de Lugo interceptou este fin de semana a un condutor que quintuplicaba a taxa...

O BNG denuncia que a Xunta “siga marxinando” a Lugo, ao non reclamar un xulgado específico de violencia de xénero

O portavoz do BNG en Lugo, Rubén Arroxo, considerou como "unha nova marxinación" á cidade o anuncio...