A adaptación teatral da exitosa obra ‘Fariña‘ (Nacho Carretero) chega este venres 24 de xaneiro a Vilalba, da man da área de Cultura do Concello. A cita será ás 20:30 horas no Auditorio municipal Carmen Estévez.

Xosé Antonio Touriñán e o propio Nacho Carretero son os promotores desta nova versión do libro sobre o narcotráfico en Galicia durante as últimas décadas do século pasado. Dirixida por Tito Asorey, esta obra conta con actores como María Vázquez, Marcos Pereiro, Sergio Zearreta, Cris Iglesias e o propio Touriñán.

As entradas, cun prezo de 18 euros, poden mercarse en Ataquilla.com.