Un veciño de Viveiro de 50 anos perdeu a vida tras ser alcanzado por un turismo cando camiñaba pola Autovía do Noroeste (A-6), á altura do termo municipal de Begonte.
Segundo informaron a Efe fontes do Subsector de Tráfico da Garda Civil de Lugo, o accidente produciuse a última hora da tarde de onte á altura do quilómetro 511.2, preto da saída de Rábade da autovía A-6.
Por causas que aínda se descoñecen, o home ía camiñando sen chaleco nin outra peza reflectora en sentido A Coruña, de modo que viñan de fronte os vehículos que circulaban en dirección Madrid. O atropelo produciuse preto da mediana, no carril esquerdo do sentido correcto da marcha.
Até o lugar do sinistro desprazáronse os servizos de emerxencias, pero nada puideron facer por salvar a vida do peón falecido.
