Un total de nove persoas, delas seis nenos e tres adultos, atópanse afectados por un brote de tuberculose, alertou hoxe o Sergas, o órgano de xestión do sistema de saúde público galego.
O brote atópase baixo vixilancia desde finais de agosto, tras a detección nun neno de dous anos desa enfermidade causada por unha bacteria que afecta principalmente os pulmóns e que é transmisible.
O hospital Lucus Augusti puxo en marcha o protocolo establecido para previr o contaxio e controlar a situación ao constatar varios casos de persoas afectadas. Como parte dese protocolo, os médicos efectuaron probas para detectar se as persoas que estiveron en contacto cos afectados resultaron contaxiadas coa bacteria.
O protocolo permitiu detectar o “caso inicial” da cadea de transmisión da enfermidade, que xa “está localizado e a tratamento antituberculoso”, de modo que “xa non representa un risco para a poboación”, segundo o Sergas.
A medida que avance a investigación sobre o brote, engade o Sergas, determinarase a conveniencia de ir ampliando ou non o estudo, dependendo da “aparición ou non de novos infectados ou enfermos”, conclúe.
